APORTAR
As aportacións son abertas e se queres, tamén anónimas. Axúdanos a ampliar o mapa das lembranzas da vila.
MAPA
Publicamos nun mapa libre e aberto con tódalas aportacións das persoas que enviaron algún recordo de Mugardos.
IMAXES
Dispoñemos dunha galería de imaxes de Mugardos, aportadas polos veciños e veciñas da vila que participan no proxecto.
Pretendemos crear un mapa de patrimonio (in)visible de experiencias, lugares e sentimentos individuais e colectivos do territorio de Mugardos.
Queremos fomentar unha participación aberta para dar visibilidade a aqueles espazos, historias e sentimentos que nos unen como comunidade ou que as veces fican esquecidos e invisibles.
Xornadas celebradas
O Seixo 2024
Lugar: Local Sociedade Amigos da Paisaxe Galega do Seixo
Data: 24 Febreiro de 2024 - 11.00 a 14.00 e de 17.00 a 20.00 horas
Ubicación: 43.45529 -8.21430
O Seixo superou as nosas espectativas. Na quenda da mañá xa superamos os 50 puntos aportados polas veciñas e veciños. Quedamos abraiados coa xenerosidade de Jorge, cos seus saberes e aportacións. Agradecidos coa visita de Miguel e tamén de María Xosé, que axudou coas súas lembranzas. Non faltou á cita o noso amigo Juan A. Díaz e Juan "Junior".
[ Miguel, Jorge, Juan A. Díaz, Juan e Vavi ]
San Xoán de Piñeiro 2023
Lugar: Local Social SCRD San Xoán de Piñeiro
Data: 25 de Novembro de 2022 - 11.00 a 14.00 horas
Ubicación: 43.4399 - 8.20462
A xornada celebrada en San Xoán de Piñeiro supuxo un reto para a asociación, froito do noso firme compromiso de achegar as nosas actividades a tódolos eidos da vida social e cultural de Mugardos.
Coa inestimable colaboración da xunta directiva da SCRD de San Xoán de Piñeiro celebramos unha xornada na que os veciños e veciñas aportaron máis de 50 novos "puntos" ó mapa.
[ A veciñanza mapeando San Xoán en Novembro de 2023 ]
Mercado de San Telmo - 2022
Lugar: Mercado de San Telmo de Mugardos
Data: 26 de Novembro de 2022 - 11.00 a 14.00 horas
Ubicación: 43.4593 - 8.25617
Os mercados son un lugar de encontro e cheo de vida onde non só se intercambian produtos, senón que tamén formas de facer e vivir. Tamén son o motor da economía circular e de proximidade; un lugar onde a sustentabilidade si que é económica, social e ambiental.
O pasado 26 de novembro de 2022 celebramos no Mercado de San Telmo de Mugardos a primera Xornada de Patrimonio (in)visible cuxo obxectivo foi mapear os elementos que estás ver no mapa.
Contamos coa colaboración de Lucía Santiago, os nosos amigXs de GALPon, Asociación Bestarruza, Asociación Apelón Educación, veciños e veciñas que se achegaron a compartir e aportar.
[ Manolo, Dongil e Rafa mapeando en Mugardos - Imaxe de Álvaro Lamas ]
Fálase do proxecto en:
