O pasado mes de Agosto de 2022 comezamos a traballar para crear unha emisora de radio online no Local SocioCultural de Casas Baratas de Mugardos en colaboración coas asociacións que compartimos espazo. Os obxectivos principais do proxecto son:
- Crear una estación de radio online no Local Socio Cultural de Casas Baratas de Mugardos.
- Realizar actividades conxuntas entre asociacións.
- Dinamizar as relacións entre o movemento asociativo Mugardés.
- Crear un repositorio de audio dixital en formato web para difundir de xeito libre e aberto as emisións, podcasts ou calquera outra actividade difundida pola "radio."
- Fomentar o uso da lingua galega e contidos dixitais con licenzas abertas.
O sábado 18 de Marzo de 2023 en Tapería Plaza (Mugardos) ás 12.00 celebrouse o acto de sinatura do convenio de colaboración entre as asociacións que participarán no proxecto:
- Asociación Veciñal Montefaro.
- Asociación Cultural Apelón Educación.
- Agrupación de Montaña e Escalada Bestarruza.
- Asociación Comunidade O Zulo.
como paso previó á montaxe, configuración e presentación do proxecto. Contamos no vindeiro mes de Abril inaugurar o proxecto coa primeira emisión en aberto.
Desde Asociación Comunidade OZulo queremos agradecer a Tapería Plaza, Germán e Tamara, pola súa colaboración e boa disposición para acollernos neste acto.
[ Imaxe da sinatura do convenio en Tapería Plaza ]
