É un pracer confirmar a celebración da “V Noite Drupal & GNU/Linux” que se desenvolverá no local de Ada Formación en Narón o vindeiro 19 de xaneiro de 2013.
Nesta edición decidimos ampliar e flexibilizar os horarios así como “abrir” o evento a tódolos niveis e persoas interesadas no desenvolvemento web e no software libre. Coa colaboración de GALPon (Pontevedra), Asociación Comunidade O Zulo (Mugardos), Inestable (Ordes) e Asociación Ociorum (Coruña) estamos a crear un grupo de usuari@s galeg@s de Drupal.
As #noitedl xurden en abril de 2011 en Mugardos froito dunha iniciativa conxunta dos citados GUL e asociacións. En Xullo de 2011 baixamos a Vigo e en decembro xuntos as nosos amigos de Inestable Drupaleamos en Ordes. En Marzo de 2012 estivemos cos nosos amigos de Ociorum en A Coruña. Agora é o turno de Narón!
Inscrición
- A inscrición ao evento é libre e gratuíta. Por motivos organizativos debes inscribirte no seguinte formulario. [Inscribirse]
[ Imaxe a I Noite Drupal & GNU/Linux en Mugardos, en 2011 ]
Obxectivos
- Crear un espazo dinámico de referencia de innovación,dinamización e intercambio de coñecemento arredor da Comunidade de usuario Drupal e GNU/Linux
- Fomentar o uso de tecnoloxías libres a abertas no desenvolvemento web.
- Crear un colectivo ou "comunidade" itinerante de intercambio de coñecementos libres, ensinando e sobre todo aprendendo.
Programa
Mañá [11:00 - 13:30]
- Achégate a coñecer o mundo Drupal e GNU/Linux. Parte da comunidade galega de Drupal estará presente para guiarte nos teus primeiros pasos!
Tarde
- 16: 15 - 16:55 Relatorio “Ecosistema Drupal” >> @apermuy
- 17: 00 - 17:40 Relatorio "Display suite" >> @jcartelle
- 17: 45 - 18:30 Relatorio "Drush" >> Rafa Couto
- 18:45 - 19:30 [ PENDENTE DE CONFIRMACIÓN ]
- Despois dos relatorios será o momento de falar , programar , compartir , desexar , construir , hackear , aprender , optimizar , ensinar , etc , ... todo con Drupal como protagonista.
Como chegar a Ada Formación
Localización: Rúa Santa Tecla, 15570 Narón, A Coruña
Mapa: [ Ver mapa ]
Atento/a!: Revisa as roldas de correo do grupo de usuarios/as Drupal (https://groups.google.com/group/drupal_gl ) , é probable que alguna persoa da túa vila ou cidade veña a #noitedl....
Quero aprender! Quero compartir! Quero ensinar!
Estamos convencid@s de que o coñecemento libre e compartido é unha peza fundamental para a o desenvolmento dunha sociedade libre e xusta. Asiste ó evento! Queremos ensinar! Queremos compartir! Queremos aprender!
